سورہ النبإ

عَمَّ يَتَسَآءَلُونَ

یہ لوگ آپس میں کس چیز کے بارے میں سوال کررہے ہیں

عَنِ ٱلنَّبَإِ ٱلْعَظِيمِ

بہت بڑی خبر کے بارے میں

ٱلَّذِى هُمْ فِيهِ مُخْتَلِفُونَ

جس کے بارے میں ان میں اختلاف ہے

كَلَّا سَيَعْلَمُونَ

کچھ نہیں عنقریب انہیں معلوم ہوجائے گا

ثُمَّ كَلَّا سَيَعْلَمُونَ

اور خوب معلوم ہوجائے گا

أَلَمْ نَجْعَلِ ٱلْأَرْضَ مِهَٰدًا

کیا ہم نے زمین کا فرش نہیں بنایا ہے

وَٱلْجِبَالَ أَوْتَادًا

اورپہاڑوں کی میخیں نہیں نصب کی ہیں

وَخَلَقْنَٰكُمْ أَزْوَٰجًا

اور ہم ہی نے تم کوجوڑا بنایا ہے

وَجَعَلْنَا نَوْمَكُمْ سُبَاتًا

اور تمہاری نیند کو آرام کا سامان قرار دیا ہے

وَجَعَلْنَا ٱلَّيْلَ لِبَاسًا

اور رات کو پردہ پوش بنایا ہے

وَجَعَلْنَا ٱلنَّهَارَ مَعَاشًا

اور دن کو وقت معاش قراردیا ہے

وَبَنَيْنَا فَوْقَكُمْ سَبْعًا شِدَادًا

اور تمہارے سروں پر سات مضبوط آسمان بنائے ہیں

وَجَعَلْنَا سِرَاجًا وَهَّاجًا

اور ایک بھڑکتا ہوا چراغ بنایا ہے

وَأَنزَلْنَا مِنَ ٱلْمُعْصِرَٰتِ مَآءً ثَجَّاجًا

اور بادلوں میں سے موسلا دھار پانی برسایا ہے

لِّنُخْرِجَ بِهِۦ حَبًّا وَنَبَاتًا

تاکہ اس کے ذریعہ دانے اور گھاس برآمدکریں

وَجَنَّٰتٍ أَلْفَافًا

اور گھنے گھنے باغات پیداکریں

إِنَّ يَوْمَ ٱلْفَصْلِ كَانَ مِيقَٰتًا

بیشک فیصلہ کا دن معین ہے

يَوْمَ يُنفَخُ فِى ٱلصُّورِ فَتَأْتُونَ أَفْوَاجًا

جس دن صورپھونکا جائے گا اور تم سب فوج در فوج آؤ گے

وَفُتِحَتِ ٱلسَّمَآءُ فَكَانَتْ أَبْوَٰبًا

اورآسمان کے راستے کھول دیئے جائیں گے اور دروازے بن جائیں گے

وَسُيِّرَتِ ٱلْجِبَالُ فَكَانَتْ سَرَابًا

اورپہاڑوں کو جگہ سے حرکت دے دی جائے گی اوروہ ریت جیسے ہوجائیں گے

إِنَّ جَهَنَّمَ كَانَتْ مِرْصَادًا

بیشک جہنم ان کی گھات میں ہے

لِّلطَّٰغِينَ مَـَٔابًا

وہ سرکشوں کا آخری ٹھکانا ہے

لَّٰبِثِينَ فِيهَآ أَحْقَابًا

اس میں وہ مدتوں رہیں گے

لَّا يَذُوقُونَ فِيهَا بَرْدًا وَلَا شَرَابًا

نہ ٹھنڈک کا مزہ چکھ سکیں گے اور نہ کسی پینے کی چیز کا

إِلَّا حَمِيمًا وَغَسَّاقًا

علاوہ کھولتے پانی اورپیپ کے

جَزَآءً وِفَاقًا

یہ ان کے اعمال کامکمل بدلہ ہے

إِنَّهُمْ كَانُوا۟ لَا يَرْجُونَ حِسَابًا

یہ لوگ حساب و کتاب کی امید ہی نہیں رکھتے تھے

وَكَذَّبُوا۟ بِـَٔايَٰتِنَا كِذَّابًا

اورانہوں نے ہماری آیات کی باقاعدہ تکذیب کی ہے

وَكُلَّ شَىْءٍ أَحْصَيْنَٰهُ كِتَٰبًا

اور ہم نے ہر شے کو اپنی کتاب میں جمع کرلیا ہے

فَذُوقُوا۟ فَلَن نَّزِيدَكُمْ إِلَّا عَذَابًا

اب تم اپنے اعمال کا مزہ چکھو اورہم عذاب کے علاوہ کوئی اضافہ نہیں کرسکتے

إِنَّ لِلْمُتَّقِينَ مَفَازًا

بیشک صاحبانِ تقویٰ کے لئے کامیابی کی منزل ہے

حَدَآئِقَ وَأَعْنَٰبًا

باغات ہیں اورانگور

وَكَوَاعِبَ أَتْرَابًا

نوخیز دوشیزائیں ہیں اورسب ہمسن

وَكَأْسًا دِهَاقًا

اور چھلکتے ہوئے پیمانے

لَّا يَسْمَعُونَ فِيهَا لَغْوًا وَلَا كِذَّٰبًا

وہاں نہ کوئی لغو بات سنیں گے نہ گناہ

جَزَآءً مِّن رَّبِّكَ عَطَآءً حِسَابًا

یہ تمہارے رب کی طرف سے حساب کی ہوئی عطا ہے اور تمہارے اعمال کی جزا

رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ لَا يَمْلِكُونَ مِنْهُ خِطَابًا

وہ آسمان و زمین اوران کے مابین کاپروردگار رحمٰن ہے جس کے سامنے کسی کو بات کرنے کا یارا نہیں ہے

يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّا لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًا

جس دن روح القدس اورملائکہ صف بستہ کھڑے ہوں گے اورکوئی بات بھی نہ کرسکے گا علاوہ اس کے جسے رحمٰن اجازت دے دے اور ٹھیک ٹھیک بات کرے

ذَٰلِكَ ٱلْيَوْمُ ٱلْحَقُّ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

یہی برحق دن ہے تو جس کا جی چاہے اپنے رب کی طرف ٹھکانا بنالے

إِنَّآ أَنذَرْنَٰكُمْ عَذَابًا قَرِيبًا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا

ہم نے تم کو ایک قریبی عذاب سے ڈرایا ہے جس دن انسان اپنے کئے دھرے کو دیکھے گا اورکافرکہے گا کہ اے کاش میں خاک ہوگیا ہوتا