سورہ الصافات

وَٱلصَّٰٓفَّٰتِ صَفًّا

باقاعدہ طور پر صفیں باندھنے والوں کی قسم

فَٱلزَّٰجِرَٰتِ زَجْرًا

پھر مکمل طریقہ سے تنبیہ کرنے والوں کی قسم

فَٱلتَّٰلِيَٰتِ ذِكْرًا

پھر ذکر خدا کی تلاوت کرنے والوں کی قسم

إِنَّ إِلَٰهَكُمْ لَوَٰحِدٌ

بیشک تمہارا خدا ایک ہے

رَّبُّ ٱلسَّمَٰوَٰتِ وَٱلْأَرْضِ وَمَا بَيْنَهُمَا وَرَبُّ ٱلْمَشَٰرِقِ

وہ آسمان و زمین اور ان کے مابین کی تمام چیزوں کا پروردگار اور ہر مشرق کا مالک ہے

إِنَّا زَيَّنَّا ٱلسَّمَآءَ ٱلدُّنْيَا بِزِينَةٍ ٱلْكَوَاكِبِ

بیشک ہم نے آسمان دنیا کو ستاروں سے مزین بنادیا ہے

وَحِفْظًا مِّن كُلِّ شَيْطَٰنٍ مَّارِدٍ

اور انہیں ہر سرکش شیطان سے حفاظت کا ذریعہ بنادیا ہے

لَّا يَسَّمَّعُونَ إِلَى ٱلْمَلَإِ ٱلْأَعْلَىٰ وَيُقْذَفُونَ مِن كُلِّ جَانِبٍ

کہ اب شیاطین عالم بالا کیباتیں سننے کی کوشش نہیں کرسکتے اور وہ ہر طرف سے مارے جائیں گے

دُحُورًا وَلَهُمْ عَذَابٌ وَاصِبٌ

ہنکانے کے لئے اور ان کے لئے ہمیشہ ہمیشہ کا عذاب ہے

إِلَّا مَنْ خَطِفَ ٱلْخَطْفَةَ فَأَتْبَعَهُۥ شِهَابٌ ثَاقِبٌ

علاوہ اس کے جو کوئی بات اچک لے تو اس کے پیچھے آگ کا شعلہ لگ جاتا ہے

فَٱسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَآ إِنَّا خَلَقْنَٰهُم مِّن طِينٍ لَّازِبٍۭ

اب ذرا ان سے دریافت کرو کہ یہ زیادہ دشوار گزار مخلوق ہیں یا جن کو ہم پیدا کرچکے ہیں ہم نے ان سب کو ایک لسدار مٹی سے پیدا کیا ہے

بَلْ عَجِبْتَ وَيَسْخَرُونَ

بلکہ تم تعجب کرتے ہو اور یہ مذاق اڑاتے ہیں

وَإِذَا ذُكِّرُوا۟ لَا يَذْكُرُونَ

اور جب نصیحت کی جاتی ہے تو قبول نہیں کرتے ہیں

وَإِذَا رَأَوْا۟ ءَايَةً يَسْتَسْخِرُونَ

اور جب کوئی نشانی دیکھ لیتے ہیں تو مسخرا پن کرتے ہیں

وَقَالُوٓا۟ إِنْ هَٰذَآ إِلَّا سِحْرٌ مُّبِينٌ

اور کہتے ہیں کہ یہ تو ایک کھلا ہوا جادو ہے

أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَبْعُوثُونَ

کیا جب ہم مرجائیں گے اور مٹی اور ہڈی ہوجائیں گے تو کیا دوبارہ اٹھائیں جائیں گے

أَوَءَابَآؤُنَا ٱلْأَوَّلُونَ

اور کیا ہمارے اگلے باپ دادا بھی زندہ کئے جائیں گے

قُلْ نَعَمْ وَأَنتُمْ دَٰخِرُونَ

کہہ دیجئے کہ بیشک اور تم ذلیل بھی ہوگے

فَإِنَّمَا هِىَ زَجْرَةٌ وَٰحِدَةٌ فَإِذَا هُمْ يَنظُرُونَ

یہ قیامت تو صرف ایک للکار ہوگی جس کے بعد سب دیکھنے لگیں گے

وَقَالُوا۟ يَٰوَيْلَنَا هَٰذَا يَوْمُ ٱلدِّينِ

اور کہیں گے کہ ہائے افسوس یہ تو قیامت کا دن ہے

هَٰذَا يَوْمُ ٱلْفَصْلِ ٱلَّذِى كُنتُم بِهِۦ تُكَذِّبُونَ

بیشک یہی وہ فیصلہ کا دن ہے جسے تم لوگ جھٹلایا کرتے تھے

ٱحْشُرُوا۟ ٱلَّذِينَ ظَلَمُوا۟ وَأَزْوَٰجَهُمْ وَمَا كَانُوا۟ يَعْبُدُونَ

فرشتو ذرا ان ظلم کرنے والوں کو اور ان کے ساتھیوں کو اور خدا کے علاوہ جن کی یہ عبادت کیا کرتے تھے سب کو اکٹھا تو کرو

مِن دُونِ ٱللَّهِ فَٱهْدُوهُمْ إِلَىٰ صِرَٰطِ ٱلْجَحِيمِ

اور ان کے تمام معبودوں کو اور ان کو جہّنم کا راستہ تو بتادو

وَقِفُوهُمْ إِنَّهُم مَّسْـُٔولُونَ

اور ذرا ان کو ٹہراؤ کہ ابھی ان سے کچھ سوال کیا جائے گا

مَا لَكُمْ لَا تَنَاصَرُونَ

اب تمہیں کیا ہوگیا ہے کہ ایک دوسرے کی مدد کیوں نہیں کرتے ہو

بَلْ هُمُ ٱلْيَوْمَ مُسْتَسْلِمُونَ

بلکہ آج تو سب کے سب سر جھکائے ہوئے ہیں

وَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ

اور ایک دوسرے کی طرف رخ کرکے سوال کررہے ہیں

قَالُوٓا۟ إِنَّكُمْ كُنتُمْ تَأْتُونَنَا عَنِ ٱلْيَمِينِ

کہتے ہیں کہ تم ہی تو ہو جو ہماری داہنی طرف سے آیا کرتے تھے

قَالُوا۟ بَل لَّمْ تَكُونُوا۟ مُؤْمِنِينَ

وہ کہیں گے کہ نہیں تم خود ہی ایمان لانے والے نہیں تھے

وَمَا كَانَ لَنَا عَلَيْكُم مِّن سُلْطَٰنٍۭ بَلْ كُنتُمْ قَوْمًا طَٰغِينَ

اور ہماری تمہارے اوپر کوئی حکومت نہیں تھی بلکہ تم خود ہی سرکش قوم تھے

فَحَقَّ عَلَيْنَا قَوْلُ رَبِّنَآ إِنَّا لَذَآئِقُونَ

اب ہم سب پر خدا کا عذاب ثابت ہوگیا ہے اور سب کو اس کا مزہ چکھنا ہوگا

فَأَغْوَيْنَٰكُمْ إِنَّا كُنَّا غَٰوِينَ

ہم نے تم کو گمراہ کیا کہ ہم خود ہی گمراہ تھے

فَإِنَّهُمْ يَوْمَئِذٍ فِى ٱلْعَذَابِ مُشْتَرِكُونَ

تو آج کے دن سب ہی عذاب میں برابر کے شریک ہوں گے

إِنَّا كَذَٰلِكَ نَفْعَلُ بِٱلْمُجْرِمِينَ

اور ہم اسی طرح مجرمین کے ساتھ برتاؤ کیا کرتے ہیں

إِنَّهُمْ كَانُوٓا۟ إِذَا قِيلَ لَهُمْ لَآ إِلَٰهَ إِلَّا ٱللَّهُ يَسْتَكْبِرُونَ

ان سے جب کہا جاتا تھا کہ اللہ کے علاوہ کوئی خدا نہیں ہے تو اکڑ جاتے تھے

وَيَقُولُونَ أَئِنَّا لَتَارِكُوٓا۟ ءَالِهَتِنَا لِشَاعِرٍ مَّجْنُونٍۭ

اور کہتے تھے کہ کیا ہم ایک مجنون شاعر کی خاطر اپنے خداؤں کو چھوڑ دیں گے

بَلْ جَآءَ بِٱلْحَقِّ وَصَدَّقَ ٱلْمُرْسَلِينَ

حالانکہ وہ حق لے کر آیا تھا اور تمام رسولوں کی تصدیق کرنے والا تھا

إِنَّكُمْ لَذَآئِقُوا۟ ٱلْعَذَابِ ٱلْأَلِيمِ

بیشک تم سب دردناک عذاب کا مزہ چکھنے والے ہو

وَمَا تُجْزَوْنَ إِلَّا مَا كُنتُمْ تَعْمَلُونَ

اور تمہیں تمہارے اعمال کے مطابق ہی بدلہ دیا جائے گا

إِلَّا عِبَادَ ٱللَّهِ ٱلْمُخْلَصِينَ

علاوہ اللہ کے مخلص بندوں کے

أُو۟لَٰٓئِكَ لَهُمْ رِزْقٌ مَّعْلُومٌ

کہ ان کے لئے معین رزق ہے

فَوَٰكِهُ وَهُم مُّكْرَمُونَ

میوے ہیں اور وہ باعزت طریقہ سے رہیں گے

فِى جَنَّٰتِ ٱلنَّعِيمِ

نعمتوں سے بھری ہوئی جنّت میں

عَلَىٰ سُرُرٍ مُّتَقَٰبِلِينَ

آمنے سامنے تخت پر بیٹھے ہوئے

يُطَافُ عَلَيْهِم بِكَأْسٍ مِّن مَّعِينٍۭ

ان کے گرد صاف شفاف شراب کا دور چل رہا ہوگا

بَيْضَآءَ لَذَّةٍ لِّلشَّٰرِبِينَ

سفید رنگ کی شراب جس میں پینے والے کو لطف آئے

لَا فِيهَا غَوْلٌ وَلَا هُمْ عَنْهَا يُنزَفُونَ

اس میں نہ کوئی درد سر ہو اور نہ ہوش و حواس گم ہونے پائیں

وَعِندَهُمْ قَٰصِرَٰتُ ٱلطَّرْفِ عِينٌ

اور ان کے پاس محدود نظر رکھنے والی کشادہ چشم حوریں ہوں گی

كَأَنَّهُنَّ بَيْضٌ مَّكْنُونٌ

جن کا رنگ و روغن ایسا ہوگا جیسے چھپائے ہوئے انڈے رکھے ہوئے ہوں

فَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ

پھر ایک دوسرے کی طرف رخ کرکے سوال کریں گے

قَالَ قَآئِلٌ مِّنْهُمْ إِنِّى كَانَ لِى قَرِينٌ

تو ان میں کا ایک کہے گا کہ دار دنیا میں ہمارا ایک ساتھی بھی تھا

يَقُولُ أَءِنَّكَ لَمِنَ ٱلْمُصَدِّقِينَ

وہ کہا کرتا تھا کہ کیاتم بھی قیامت کی تصدیق کرنے والوں میں ہو

أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَدِينُونَ

کیا جب مرکر مٹی اور ہڈی ہوجائیں گے تو ہمیں ہمارے اعمال کا بدلہ دیا جائے گا

قَالَ هَلْ أَنتُم مُّطَّلِعُونَ

کیا تم لوگ بھی اسے دیکھو گے

فَٱطَّلَعَ فَرَءَاهُ فِى سَوَآءِ ٱلْجَحِيمِ

یہ کہہ کہ نگاہ ڈالی تو اسے بیچ جہّنم میں دیکھا

قَالَ تَٱللَّهِ إِن كِدتَّ لَتُرْدِينِ

کہا کہ خدا کی قسم قریب تھا کہ تو مجھے بھی ہلاک کردیتا

وَلَوْلَا نِعْمَةُ رَبِّى لَكُنتُ مِنَ ٱلْمُحْضَرِينَ

اور میرے پروردگار کا احسان نہ ہوتا تو میں بھی یہیں حاضر کردیا جاتا

أَفَمَا نَحْنُ بِمَيِّتِينَ

کیا یہ صحیح نہیں ہے کہ ہم اب مرنے والے نہیں ہیں

إِلَّا مَوْتَتَنَا ٱلْأُولَىٰ وَمَا نَحْنُ بِمُعَذَّبِينَ

سوائے پہلی موت کے اور ہم پر عذاب ہونے والا بھی نہیں ہے

إِنَّ هَٰذَا لَهُوَ ٱلْفَوْزُ ٱلْعَظِيمُ

یقینا یہ بہت بڑی کامیابی ہے

لِمِثْلِ هَٰذَا فَلْيَعْمَلِ ٱلْعَٰمِلُونَ

اسی دن کے لئے عمل کرنے والوں کو عمل کرنا چاہئے

أَذَٰلِكَ خَيْرٌ نُّزُلًا أَمْ شَجَرَةُ ٱلزَّقُّومِ

ذرا بتاؤ کہ یہ ن نعمتیں مہمانی کے واسطے بہتر ہیں یا تھوہڑ کا درخت

إِنَّا جَعَلْنَٰهَا فِتْنَةً لِّلظَّٰلِمِينَ

جسے ہم نے ظالمین کی آزمائش کے لئے قرار دیا ہے

إِنَّهَا شَجَرَةٌ تَخْرُجُ فِىٓ أَصْلِ ٱلْجَحِيمِ

یہ ایک درخت ہے جوجہّنم کی تہہ سے نکلتا ہے

طَلْعُهَا كَأَنَّهُۥ رُءُوسُ ٱلشَّيَٰطِينِ

اس کے پھل ایسے بدنما ہیں جیسے شیطانوں کے سر

فَإِنَّهُمْ لَءَاكِلُونَ مِنْهَا فَمَالِـُٔونَ مِنْهَا ٱلْبُطُونَ

مگر یہ جہنّمی اسی کو کھائیں گے اور اسی سے پیٹ بھریں گے

ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ

پھر ان کے پینے کے لئے گرما گرم پانی ہوگا جس میں پیپ وغیرہ کی آمیزش ہوگی

ثُمَّ إِنَّ مَرْجِعَهُمْ لَإِلَى ٱلْجَحِيمِ

پھر ان سب کا آخری انجام جہّنم ہوگا

إِنَّهُمْ أَلْفَوْا۟ ءَابَآءَهُمْ ضَآلِّينَ

انہوں نے اپنے باپ دادا کو گمراہ پایا تھا

فَهُمْ عَلَىٰٓ ءَاثَٰرِهِمْ يُهْرَعُونَ

تو ان ہی کے نقش قدم پر بھاگتے چلے گئے

وَلَقَدْ ضَلَّ قَبْلَهُمْ أَكْثَرُ ٱلْأَوَّلِينَ

اور یقینا ان سے پہلے بزرگوں کی ایک بڑی جماعت گمراہ ہوچکی ہے

وَلَقَدْ أَرْسَلْنَا فِيهِم مُّنذِرِينَ

اور ہم نے ان کے درمیان ڈرانے والے پیغمبر علیھ السّلام بھیجے

فَٱنظُرْ كَيْفَ كَانَ عَٰقِبَةُ ٱلْمُنذَرِينَ

تو اب دیکھو کہ جنہیں ڈرایا جاتا ہے ان کے نہ ماننے کا انجام کیا ہوتا ہے

إِلَّا عِبَادَ ٱللَّهِ ٱلْمُخْلَصِينَ

علاوہ ان لوگوں کے جو اللہ کے مخلص بندے ہوتے ہیں

وَلَقَدْ نَادَىٰنَا نُوحٌ فَلَنِعْمَ ٱلْمُجِيبُونَ

اور یقینا نوح علیھ السّلامنے ہم کو آواز دی تو ہم بہترین قبول کرنے والے ہیں

وَنَجَّيْنَٰهُ وَأَهْلَهُۥ مِنَ ٱلْكَرْبِ ٱلْعَظِيمِ

اور ہم نے انہیں اور ان کے اہل کو بہت بڑے کرب سے نجات دے دی ہے

وَجَعَلْنَا ذُرِّيَّتَهُۥ هُمُ ٱلْبَاقِينَ

اور ہم نے ان کی اولاد ہی کو باقی رہنے والوں میں قرار دیا

وَتَرَكْنَا عَلَيْهِ فِى ٱلْءَاخِرِينَ

اور ان کے تذکرہ کو آنے والی نسلوں میں برقرار رکھا

سَلَٰمٌ عَلَىٰ نُوحٍ فِى ٱلْعَٰلَمِينَ

ساری خدائی میں نوح علیھ السّلام پر ہمارا سلام

إِنَّا كَذَٰلِكَ نَجْزِى ٱلْمُحْسِنِينَ

ہم اسی طرح نیک عمل کرنے والوں کو جزا دیتے ہیں

إِنَّهُۥ مِنْ عِبَادِنَا ٱلْمُؤْمِنِينَ

وہ ہمارے ایماندار بندوں میں سے تھے

ثُمَّ أَغْرَقْنَا ٱلْءَاخَرِينَ

پھر ہم نے باقی سب کو غرق کردیا

وَإِنَّ مِن شِيعَتِهِۦ لَإِبْرَٰهِيمَ

اور یقینا نوح علیھ السّلام ہی کے پیروکاروں میں سے ابراہیم علیھ السّلام بھی تھے

إِذْ جَآءَ رَبَّهُۥ بِقَلْبٍ سَلِيمٍ

جب اللہ کی بارگاہ میں قلب سلیم کے ساتھ حاضر ہوئے

إِذْ قَالَ لِأَبِيهِ وَقَوْمِهِۦ مَاذَا تَعْبُدُونَ

جب اپنے مربّی باپ اور اپنی قوم سے کہا کہ تم لوگ کس کی عبادت کررہے ہو

أَئِفْكًا ءَالِهَةً دُونَ ٱللَّهِ تُرِيدُونَ

کیا خدا کو چھوڑ کر ان خود ساختہ خداؤں کے طلب گار بن گئے ہو

فَمَا ظَنُّكُم بِرَبِّ ٱلْعَٰلَمِينَ

تو پھر رب العالمین کے بارے میں تمہارا کیا خیال ہے

فَنَظَرَ نَظْرَةً فِى ٱلنُّجُومِ

پھر ابراہیم علیھ السّلام نے ستاروں میں وقت نظر سے کام لیا

فَقَالَ إِنِّى سَقِيمٌ

اور کہا کہ میں بیمار ہوں

فَتَوَلَّوْا۟ عَنْهُ مُدْبِرِينَ

تو وہ لوگ منہ پھیر کر چلے گئے

فَرَاغَ إِلَىٰٓ ءَالِهَتِهِمْ فَقَالَ أَلَا تَأْكُلُونَ

اور ابراہیم علیھ السّلام نے ان کے خداؤں کی طرف رخ کرکے کہا کہ تم لوگ کچھ کھاتے کیوں نہیں ہو

مَا لَكُمْ لَا تَنطِقُونَ

تمہیں کیا ہوگیا ہے کہ بولتے بھی نہیں ہو

فَرَاغَ عَلَيْهِمْ ضَرْبًۢا بِٱلْيَمِينِ

پھر ان کی مرمت کی طرف متوجہ ہوگئے

فَأَقْبَلُوٓا۟ إِلَيْهِ يَزِفُّونَ

تو وہ لوگ دوڑتے ہوئے ابراہیم علیھ السّلام کے پاس آئے

قَالَ أَتَعْبُدُونَ مَا تَنْحِتُونَ

تو ابراہیم علیھ السّلامنے کہا کہ کیا تم لوگ اپے ہاتھوں کے تراشیدہ بتوں کی پرستش کرتے ہو

وَٱللَّهُ خَلَقَكُمْ وَمَا تَعْمَلُونَ

جب کہ خدا نے تمہیں اور ان کو سبھی کو پیدا کیا ہے

قَالُوا۟ ٱبْنُوا۟ لَهُۥ بُنْيَٰنًا فَأَلْقُوهُ فِى ٱلْجَحِيمِ

ان لوگوں نے کہا کہ ایک عمارت بناکر کر آگ جلا کر انہیں آگ میں ڈال دو

فَأَرَادُوا۟ بِهِۦ كَيْدًا فَجَعَلْنَٰهُمُ ٱلْأَسْفَلِينَ

ان لوگوں نے ایک چال چلنا چاہی لیکن ہم نے انہیں پست اور ذلیل کردیا

وَقَالَ إِنِّى ذَاهِبٌ إِلَىٰ رَبِّى سَيَهْدِينِ

اور ابراہیم علیھ السّلامنے کہا کہ میں اپنے پروردگار کی طرف جارہا ہوں کہ وہ میری ہدایت کردے گا

رَبِّ هَبْ لِى مِنَ ٱلصَّٰلِحِينَ

پروردگار مجھے ایک صالح فرزند عطا فرما

فَبَشَّرْنَٰهُ بِغُلَٰمٍ حَلِيمٍ

پھر ہم نے انہیں ایک نیک دل فرزند کی بشارت دی

فَلَمَّا بَلَغَ مَعَهُ ٱلسَّعْىَ قَالَ يَٰبُنَىَّ إِنِّىٓ أَرَىٰ فِى ٱلْمَنَامِ أَنِّىٓ أَذْبَحُكَ فَٱنظُرْ مَاذَا تَرَىٰ قَالَ يَٰٓأَبَتِ ٱفْعَلْ مَا تُؤْمَرُ سَتَجِدُنِىٓ إِن شَآءَ ٱللَّهُ مِنَ ٱلصَّٰبِرِينَ

پھر جب وہ فرزند ان کے ساتھ دوڑ دھوپ کرنے کے قابل ہوگیا تو انہوں نے کہا کہ بیٹا میں خواب میں دیکھ رہا ہوں کہ میں تمہیں ذبح کررہا ہوں اب تم بتاؤ کہ تمہارا کیا خیال ہے فرزند نے جواب دیا کہ بابا جو آپ کو حکم دیا جارہا ہے اس پر عمل کریں انشائ اللہ آپ مجھے صبر کرنے والوں میں سے پائیں گے

فَلَمَّآ أَسْلَمَا وَتَلَّهُۥ لِلْجَبِينِ

پھر جب دونوں نے سر تسلیم خم کردیا اور باپ نے بیٹے کو ماتھے کے بل لٹادیا

وَنَٰدَيْنَٰهُ أَن يَٰٓإِبْرَٰهِيمُ

اور ہم نے آواز دی کہ اے ابراہیم علیھ السّلام

قَدْ صَدَّقْتَ ٱلرُّءْيَآ إِنَّا كَذَٰلِكَ نَجْزِى ٱلْمُحْسِنِينَ

تم نے اپنا خواب سچ کر دکھایا ہم اسی طرح حسن عمل والوں کو جزا دیتے ہیں

إِنَّ هَٰذَا لَهُوَ ٱلْبَلَٰٓؤُا۟ ٱلْمُبِينُ

بیشک یہ بڑا کھلا ہوا امتحان ہے

وَفَدَيْنَٰهُ بِذِبْحٍ عَظِيمٍ

اور ہم نے اس کا بدلہ ایک عظیم قربانی کو قرار دے دیا ہے

وَتَرَكْنَا عَلَيْهِ فِى ٱلْءَاخِرِينَ

اور اس کا تذکرہ آخری دور تک باقی رکھا ہے

سَلَٰمٌ عَلَىٰٓ إِبْرَٰهِيمَ

سلام ہو ابراہیم علیھ السّلامپر

كَذَٰلِكَ نَجْزِى ٱلْمُحْسِنِينَ

ہم اسی طرح حَسن عمل والوں کو جزا دیا کرتے ہیں

إِنَّهُۥ مِنْ عِبَادِنَا ٱلْمُؤْمِنِينَ

بیشک ابراہیم علیھ السّلامہمارے مومن بندوں میں سے تھے

وَبَشَّرْنَٰهُ بِإِسْحَٰقَ نَبِيًّا مِّنَ ٱلصَّٰلِحِينَ

اور ہم نے انہیں اسحاق علیھ السّلامکی بشارت دی جو نبی اور نیک بندوں میں سے تھے

وَبَٰرَكْنَا عَلَيْهِ وَعَلَىٰٓ إِسْحَٰقَ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِۦ مُبِينٌ

اور ہم نے ان پر اور اسحاق علیھ السّلامپر برکت نازل کی اور ان کی اولاد میں بعض نیک کردار اور بعض کِھلم کِھلا اپنے نفس پر ظلم کرنے والے ہیں

وَلَقَدْ مَنَنَّا عَلَىٰ مُوسَىٰ وَهَٰرُونَ

اور ہم نے موسٰی علیھ السّلام اور ہارون علیھ السّلامپر بھی احسان کیا ہے

وَنَجَّيْنَٰهُمَا وَقَوْمَهُمَا مِنَ ٱلْكَرْبِ ٱلْعَظِيمِ

اور انہیں اور ان کی قوم کو عظیم کرب سے نجات دلائی ہے

وَنَصَرْنَٰهُمْ فَكَانُوا۟ هُمُ ٱلْغَٰلِبِينَ

اور ان کی مدد کی ہے تو وہ غلبہ حاصل کرنے والوں میں ہوگئے ہیں

وَءَاتَيْنَٰهُمَا ٱلْكِتَٰبَ ٱلْمُسْتَبِينَ

اور ہم نے انہیں واضح مطالب والی کتاب عطا کی ہے

وَهَدَيْنَٰهُمَا ٱلصِّرَٰطَ ٱلْمُسْتَقِيمَ

اور دونوں کو سیدھے راستہ کی ہدایت بھی دی ہے

وَتَرَكْنَا عَلَيْهِمَا فِى ٱلْءَاخِرِينَ

اور ان کا تذکرہ بھی اگلی نسلوں میں باقی رکھا ہے

سَلَٰمٌ عَلَىٰ مُوسَىٰ وَهَٰرُونَ

سلام ہو موسٰی علیھ السّلاماور ہارون علیھ السّلامپر

إِنَّا كَذَٰلِكَ نَجْزِى ٱلْمُحْسِنِينَ

ہم اسی طرح نیک عمل کرنے والوں کو بدلہ دیا کرتے ہیں

إِنَّهُمَا مِنْ عِبَادِنَا ٱلْمُؤْمِنِينَ

بیشک وہ دونوں ہمارے مومن بندوں میں سے تھے

وَإِنَّ إِلْيَاسَ لَمِنَ ٱلْمُرْسَلِينَ

اور یقینا الیاس علیھ السّلام بھی مرسلین میں سے تھے

إِذْ قَالَ لِقَوْمِهِۦٓ أَلَا تَتَّقُونَ

جب انہوں نے اپنی قوم سے کہا کہ تم لوگ خدا سے کیوں نہیں ڈرتے ہو

أَتَدْعُونَ بَعْلًا وَتَذَرُونَ أَحْسَنَ ٱلْخَٰلِقِينَ

کیا تم لوگ بعل کو آواز دیتے ہو اور بہترین خلق کرنے والے کو چھوڑ دیتے ہو

ٱللَّهَ رَبَّكُمْ وَرَبَّ ءَابَآئِكُمُ ٱلْأَوَّلِينَ

جب کہ وہ اللہ تمہارے اور تمہارے باپ داد کا پالنے والا ہے

فَكَذَّبُوهُ فَإِنَّهُمْ لَمُحْضَرُونَ

پھر ان لوگوں نے رسول کی تکذیب کی تو سب کے سب جہنمّ میں گرفتار کئے جائیں گے

إِلَّا عِبَادَ ٱللَّهِ ٱلْمُخْلَصِينَ

علاوہ اللہ کے مخلص بندوں کے

وَتَرَكْنَا عَلَيْهِ فِى ٱلْءَاخِرِينَ

اور ہم نے ان کا تذکرہ بھی بعد کی نسلوں میں باقی رکھ دیا ہے

سَلَٰمٌ عَلَىٰٓ إِلْ يَاسِينَ

سلام ہو آل یاسین علیھ السّلامپر

إِنَّا كَذَٰلِكَ نَجْزِى ٱلْمُحْسِنِينَ

ہم اسی طرح حسوُ عمل والوں کو جزا دیا کرتے ہیں

إِنَّهُۥ مِنْ عِبَادِنَا ٱلْمُؤْمِنِينَ

بیشک وہ ہمارے باایمان بندوں میں سے تھے

وَإِنَّ لُوطًا لَّمِنَ ٱلْمُرْسَلِينَ

اور لوط بھی یقینا مرسلین میں تھے

إِذْ نَجَّيْنَٰهُ وَأَهْلَهُۥٓ أَجْمَعِينَ

تو ہم نے انہیں اور ان کے تمام گھروالوں کو نجات دے دی

إِلَّا عَجُوزًا فِى ٱلْغَٰبِرِينَ

علاوہ ان کی زوجہ کے کہ وہ پیچھے رہ جانے والوں میں شامل ہوگئی تھی

ثُمَّ دَمَّرْنَا ٱلْءَاخَرِينَ

پھر ہم نے سب کو تباہ و برباد بھی کردیا

وَإِنَّكُمْ لَتَمُرُّونَ عَلَيْهِم مُّصْبِحِينَ

تم ان کی طرف سے برابر صبح کو گزرتے رہتے ہو

وَبِٱلَّيْلِ أَفَلَا تَعْقِلُونَ

اور رات کے وقت بھی تو کیا تمہیں عقل نہیں آرہی ہے

وَإِنَّ يُونُسَ لَمِنَ ٱلْمُرْسَلِينَ

اور بیشک یونس علیھ السّلام بھی مرسلین میں سے تھے

إِذْ أَبَقَ إِلَى ٱلْفُلْكِ ٱلْمَشْحُونِ

جب وہ بھاگ کر ایک بھری ہوئی کشتی کی طرف گئے

فَسَاهَمَ فَكَانَ مِنَ ٱلْمُدْحَضِينَ

اور اہل کشتی نے قرعہ نکالا تو انہیں شرمندگی کا سامنا کرنا پڑا

فَٱلْتَقَمَهُ ٱلْحُوتُ وَهُوَ مُلِيمٌ

پھر انہیں مچھلی نے نگل لیا جب کہ وہ خود اپنے نفس کی ملامت کررہے تھے

فَلَوْلَآ أَنَّهُۥ كَانَ مِنَ ٱلْمُسَبِّحِينَ

پھر اگر وہ تسبیح کرنے والوں میں سے نہ ہوتے

لَلَبِثَ فِى بَطْنِهِۦٓ إِلَىٰ يَوْمِ يُبْعَثُونَ

تو روزِ قیامت تک اسی کے شکم میں رہ جاتے

فَنَبَذْنَٰهُ بِٱلْعَرَآءِ وَهُوَ سَقِيمٌ

پھر ہم نے ان کو ایک میدان میں ڈال دیا جب کہ وہ مریض بھی ہوگئے تھے

وَأَنۢبَتْنَا عَلَيْهِ شَجَرَةً مِّن يَقْطِينٍ

اور ان پر ایک کدو کا درخت اُگادیا

وَأَرْسَلْنَٰهُ إِلَىٰ مِا۟ئَةِ أَلْفٍ أَوْ يَزِيدُونَ

اور انہیں ایک لاکھ یا اس سے زیادہ کی قوم کی طرف نمائندہ بناکر بھیجا

فَـَٔامَنُوا۟ فَمَتَّعْنَٰهُمْ إِلَىٰ حِينٍ

تو وہ لوگ ایمان لے آئے اور ہم نے بھی ایک مدّت تک انہیں آرام بھی دیا

فَٱسْتَفْتِهِمْ أَلِرَبِّكَ ٱلْبَنَاتُ وَلَهُمُ ٱلْبَنُونَ

پھر اے پیغمبر ان کفار سے پوچھئے کہ کیا تمہارے پروردگار کے پاس لڑکیاں ہیں اور تمہارے پاس لڑکے ہیں

أَمْ خَلَقْنَا ٱلْمَلَٰٓئِكَةَ إِنَٰثًا وَهُمْ شَٰهِدُونَ

یا ہم نے ملائکہ کو لڑکیوں کی شکل میں پیدا کیا ہے اور یہ اس کے گواہ ہیں

أَلَآ إِنَّهُم مِّنْ إِفْكِهِمْ لَيَقُولُونَ

آگاہ ہوجاؤ کہ یہ لوگ اپنی من گھڑت کے طور پر یہ باتیں بناتے ہیں

وَلَدَ ٱللَّهُ وَإِنَّهُمْ لَكَٰذِبُونَ

کہ اللہ کے یہاں فرزند پیدا ہوا ہے اور یہ لوگ بالکل جھوٹے ہیں

أَصْطَفَى ٱلْبَنَاتِ عَلَى ٱلْبَنِينَ

کیا اس نے اپنے لئے بیٹوں کے بجائے بیٹیوں کا انتخاب کیا ہے

مَا لَكُمْ كَيْفَ تَحْكُمُونَ

آخر تمہیں کیا ہوگیا ہے تم کیسا فیصلہ کررہے ہو

أَفَلَا تَذَكَّرُونَ

کیا تم غور و فکر نہیں کررہے ہو

أَمْ لَكُمْ سُلْطَٰنٌ مُّبِينٌ

یا تمہارے پاس اس کی کوئی واضح دلیل ہے

فَأْتُوا۟ بِكِتَٰبِكُمْ إِن كُنتُمْ صَٰدِقِينَ

تو اپنی کتاب کو لے آؤ اگر تم اپنے دعویٰ میں سچے ہو

وَجَعَلُوا۟ بَيْنَهُۥ وَبَيْنَ ٱلْجِنَّةِ نَسَبًا وَلَقَدْ عَلِمَتِ ٱلْجِنَّةُ إِنَّهُمْ لَمُحْضَرُونَ

اور انہوں نے خدا اور جّنات کے درمیان بھی رشتہ قرار دے دیا حالانکہ جّنات کو معلوم ہے کہ انہیں بھی خدا کی بارگاہ میں حاضر کیا جائے گا

سُبْحَٰنَ ٱللَّهِ عَمَّا يَصِفُونَ

خدا ان سب کے بیانات سے بلند و برتر اور پاک و پاکیزہ ہے

إِلَّا عِبَادَ ٱللَّهِ ٱلْمُخْلَصِينَ

علاوہ خدا کے نیک اور مخلص بندوں کے

فَإِنَّكُمْ وَمَا تَعْبُدُونَ

پھر تم اور جس کی تم پرستش کررہے ہو

مَآ أَنتُمْ عَلَيْهِ بِفَٰتِنِينَ

سب مل کر بھی اس کے خلاف کسی کو بہکا نہیں سکتے ہو

إِلَّا مَنْ هُوَ صَالِ ٱلْجَحِيمِ

علاوہ اس کے جس کو جہّنم میں جانا ہی ہے

وَمَا مِنَّآ إِلَّا لَهُۥ مَقَامٌ مَّعْلُومٌ

اور ہم میں سے ہر ایک کے لئے ایک مقام معّین ہے

وَإِنَّا لَنَحْنُ ٱلصَّآفُّونَ

اور ہم اس کی بارگاہ میں صف بستہ کھڑے ہونے والے ہیں

وَإِنَّا لَنَحْنُ ٱلْمُسَبِّحُونَ

اور ہم اس کی تسبیح کرنے والے ہیں

وَإِن كَانُوا۟ لَيَقُولُونَ

اگرچہ یہ لوگ یہی کہا کرتے تھے

لَوْ أَنَّ عِندَنَا ذِكْرًا مِّنَ ٱلْأَوَّلِينَ

کہ اگر ہمارے پاس بھی پہلے والوں کا تذکرہ ہوتا

لَكُنَّا عِبَادَ ٱللَّهِ ٱلْمُخْلَصِينَ

تو ہم بھی اللہ کے نیک اور مخلص بندے ہوتے

فَكَفَرُوا۟ بِهِۦ فَسَوْفَ يَعْلَمُونَ

تو پھر ان لوگوں نے کفر اختیار کرلیا تو عنقریب انہیں اس کا انجام معلوم ہوجائے گا

وَلَقَدْ سَبَقَتْ كَلِمَتُنَا لِعِبَادِنَا ٱلْمُرْسَلِينَ

اور ہمارے پیغامبربندوں سے ہماری بات پہلے ہی طے ہوچکی ہے

إِنَّهُمْ لَهُمُ ٱلْمَنصُورُونَ

کہ ان کی مدد بہرحال کی جائے گی

وَإِنَّ جُندَنَا لَهُمُ ٱلْغَٰلِبُونَ

اور ہمارا لشکر بہرحال غالب آنے والا ہے

فَتَوَلَّ عَنْهُمْ حَتَّىٰ حِينٍ

لہذا آپ تھوڑے دنوں کے لئے ان سے منہ پھیر لیں

وَأَبْصِرْهُمْ فَسَوْفَ يُبْصِرُونَ

اور ان کو دیکھتے رہیں عنقریب یہ خود اپنے انجام کو دیکھ لیں گے

أَفَبِعَذَابِنَا يَسْتَعْجِلُونَ

کیا یہ ہمارے عذاب کے بارے میں جلدی کررہے ہیں

فَإِذَا نَزَلَ بِسَاحَتِهِمْ فَسَآءَ صَبَاحُ ٱلْمُنذَرِينَ

تو جب وہ عذاب ان کے آنگن میں نازل ہوجائے گا تو وہ ڈرائی جانے والی قوم کی بدترین صبح ہوگی

وَتَوَلَّ عَنْهُمْ حَتَّىٰ حِينٍ

اور آپ تھوڑے دنوں ان سے منہ پھیرلیں

وَأَبْصِرْ فَسَوْفَ يُبْصِرُونَ

اور دیکھتے رہیں عنقریب یہ خود دیکھ لیں گے

سُبْحَٰنَ رَبِّكَ رَبِّ ٱلْعِزَّةِ عَمَّا يَصِفُونَ

آپ کا پروردگار جو مالک عزت بھی ہے ان کے بیانات سے پاک و پاکیزہ ہے

وَسَلَٰمٌ عَلَى ٱلْمُرْسَلِينَ

اور ہمارا سلام تمام مرسلین پر ہے

وَٱلْحَمْدُ لِلَّهِ رَبِّ ٱلْعَٰلَمِينَ

اور ساری تعریف اس اللہ کے لئے ہے جو عالمین کا پروردگار ہے